युथफोर्स वडा कमिटी गठन

नेकपा एमाले भरतपुर नगरपालिका १० नम्वर वडा कमिटीले आज संजय लामाको संयोजकत्वमा एक सय पांच सदस्यिय युथफोर्स वडा कमिटी गठन गरेको छ । भरतपुरमा आज भएको भेलाले आगामी निर्वाचनलाई मध्यनजर गर्दै युथफोर्स गठन गरेको वडाका कार्यवाहक पार्टी ईन्चार्ज गंगा लामाले बताउनुभयो । कमिटीको सह संयोजकमा बिनय लामा झरी , सचिवमा बसन्त राना र सहसचिवमा सुवास लामा रहनुभएको छ । कार्यक्रममा एमालेका चितवन क्ष्ँेत्र नम्वर ३ का उम्मेदवार कृष्णभक्त पोख्रेलले आगामी निर्वाचनमा आफ्नो पार्टीले स्पष्ट जित हासिल गर्ने दावी गर्नुभयो । जिल्लामा देखिएको आन्तरिक बिबाद भोली सम्ममा टुंगो लाग्ने पोख्रेलले बताउनुभयो । केन्द्रीय पदाधिकारीले भोली सम्ममा जिल्लाको बिबाद टुंग्याउने तर स्थायि कमिटीको निर्णय बिपरीत टिकट परिवर्तन हुन नसक्ने स्पष्ट पारेको पोख्रेलले जानकारी दिनुभयो । पार्टीका वडा अध्यक्ष रुविराम श्रेष्ठको अध्यक्षतामा भएका कार्यक्रममा जिल्ला सचिव तेजेन्द्र खड्का , वडा ईन्चार्ज बिष्णुप्रसाद अधिकारी लगायतले बोल्नुभएको थियो ।