कन्फेडेरेसन कप फुटबलमा ब्राजिल बिजेता

कन्फेडेरेसन कप फुटबलमा गएराती ब्राजिलले इटलीलाई हराएको छ । साल्भाडोरमा भएको खेलमा घरेलु टोली ब्राजिलले इटलीलाई २ का विरुद्ध ४ गोलले हराउँदै समूह बिजेता बनेको छ । दुवै टोली अन्तिम खेल अघि नै सेमिफाइनलमा प्रवेश गरिसकेका छन् । ब्राजिलका लागि फ्रेडेरिको चाभेसले २ तथा सान्टोस दाँते र नेइमारले एकरएक गोल गरे । इटलीका इम्यान्यूअल र जर्जियो सिलिनीले एकरएक गोल गरे । यस्तै समूह ए कै अर्को खेलमा मेक्सिकोले जापानलाई हराएको छ । प्रतियोगिताबाट बाहिरिइसकेको मेक्सिकोले जापानलाई १ का विरुद्ध २ गोलले हराउँदै सान्त्वना जीत हात पार्‍यो भने जापान अंक विहीन रहँदै आफ्नो यात्रा टुंग्याउन बाध्य भयो । मेक्सिकोका लागि दुवै गोल जाभीयर हर्नान्डेजले गरे । जापानका लागि एक मात्र गोल सिन्जी ओकाजाकीले फर्काए । प्रतियोगितामा आइतबार समूह बी का अन्तिम दुई खेलमा स्पेन र नाईजेरिया तथा उरुग्वे र टहिटी भिड्नेछन् ।