नियोक चितवन पुनर्गठन

भरतपुर, २१ असार
भरतपुरमा आज शुक्रवार आयोजित एक भेलाले राष्ट्रिय निर्वाचन पर्यवेक्षण समिति (नियोक) चितवनको पुनर्गठन गरेको छ । समितिको संयोजकमा बालकृष्ण पौडेल, उपसंयोजकमा शान्ति अधिकारी, सचिवमा कृष्ण गिरी, सहसचिवमा यमबहादुर बि.क. र कोषाध्यक्षमा राजेन्द्र पौडेल रहनुभएको छ ।
समितिका अन्य सचिवालय सदस्यहरुमा सोमराज महतो, अम्बिकालाल श्रेष्ठ, राजकुमार श्रेष्ठ, शान्ता अधिकारी, सावित्री सापकोटा, विश्वनाथ ओझा, डा. इश्वरी लौडारी, शिला अधिकारी, दिपकबाबु श्रेष्ठ, विष्णुमाया पाण्डे, वामदेव अधिकारी र केशव सापकोटा हुनुहुन्छ ।
यसैगरी, सोही भेलाले नियोकको मध्यमाञ्चल क्षेत्रिय प्रतिनिधिमा लक्ष्मीकान्त शर्मालाई चयन गरेको छ । समितिको सचिवालय १७ सदस्यीय रहेको छ भने जिल्ला समितिमा ४५ जना रहनुभएको छ ।
भेलामा मानवअधिकारकर्मी, प्राध्यापक, शिक्षक, सामाजिक कार्यकर्तालगायत विभिन्न पेशाकर्मीहरुको उपस्थिति थियो । समितिका संयोजक पौडेलका अनुसार नियोकले ०४८ सालको निर्वाचनदेखिनै निर्वाचनको पर्यवेक्षण गर्दै आइरहेको छ । नियोकका सदस्यहरुले निर्वाचनको समयमा पार्टीको प्रचारप्रसारमा लागेर हिंड्न नपाउने आचारसंहिता रहेको पनि पौडेलले जानकारी दिनुभयो ।