भ्वाइसेसको दोस्रो संस्करणः कुन्द दीक्षितसँग नारायण वाग्ले

भारतीय राजदूतावास, काठमाण्डौ तथा बी.पी. कोइराला भारत–नेपाल फाउण्डेशनद्धारा जूलाई १९, २०१३ शुक्रबारका दिन बीपी कोइराला भारत–नेपाल फाउण्डेशनको सक्रियतामा संचालित भ्वाइसेसको दोस्रो संस्करण नेपाल भारत पुस्तकालयमा आयोजना गरियो । भ्वाइसेसको दोस्रो संस्करणमा नेपालका दुई प्रख्यात संचारकर्मी तथा लेखकहरु कुन्द दीक्षित र नारायण वाग्ले उपस्थित हुनुहुन्थ्यो । 
कार्यक्रमको शुरुवात कुन्द दीक्षितले नेपालको पत्रकारितामा रहेका समस्याहरुको वारेमा आफ्नो विचार राख्दै आफुले पञ्चायतकाल देखि पत्रकारिता शुरुगरेको कुरा वताउनुभयो ।
“उक्त समयमा पत्रकारहरु धेरै तवरले आफ्ना विचारहरु खुला रुपमा व्यक्त गर्न असमर्थ थिए । तसर्थ, हामी जे गर्न सक्थ्यौ त्यो व्यंग्य मार्फत गर्ने गर्थ्यौ”, दीक्षितले विगतको समस्यालाई सम्झदै भन्नुभयो ।
तत्पश्चात दीक्षित र वाग्ले द्धयले समय सगै संचार माध्यममा आएको परिवर्तनको वारेमा छलफल गर्नुभयो । यसको चर्चा गर्दै उहाहरुले डिजिटल मिडियाले ल्याएको क्रन्ति, नेपालमा पत्रकारिताको क्षेत्र, राष्ट्रिय तथा अन्तराष्ट्रिय मिडियाले बेहोरेका चुनौतिहरुको साथै नेपालमा संचारकर्मीको रुपमा काम गर्दा भोगेका वास्तविक कथाहरु सुनाउनु भयो ।
यसअतिरिक्त, दीक्षित र वाग्लेले नेपालमा नागरिक पत्रकारिताको भविष्यको वारेमा जोडदिंदै आधुनिक समयमा सामाजिक संजालको प्रभाववारे विचार राख्नुभयो ।
“कसैले पनि आजको पत्रिका भोली पढ्दैन । आज मानीसहरुमा टिभिमा साँझको समाचार समेत कुर्ने फुर्सद छैन साथै नत उनिहरु आफ्नोे समय लामा–लामा खवरहरु पढ्ननै इच्छुक हुन्छन् । यो व्यवशायिक पत्रकार र नागरिक पत्रकारबीचको प्रर्तीशपर्धा हो”, दीक्षित र वाग्ले दुबैले उल्येख गर्नुभयो ।
कार्यक्रमले कसरी सामाजिक संजालहरु जस्तै फेसबुक र ट्विटरले समाज परिवर्तनमा महत्वपूर्ण भूमिका खेलेकाछन् भन्ने वास्तविकता समेत उजागर गर्यो । यस सन्दर्भमा नेपालमा करिव दुई लाख फेसबुक प्रयोगकर्ता रहेको कुरा अत्यन्तै उत्साहजनक हो ।
उक्त अवसरमा नेपालका लागि भारतीय राजदूत जयन्त प्रसादले काठमाण्डौबाट मात्रै दर्जन भन्दाबढी दैनिक पत्रिकाहरु प्रकाशित हुने कुराप्रति उत्साह व्यक्त गर्नुभयो ।
कार्यक्रम दुई वक्ताहरुबीच अत्यन्तै उत्साहपूर्ण तथा उपलब्धि मूलक अन्तक्रियाको साथमा सम्पन्न भयो ।