काबुल १९ भदौ । अफगान सुरक्षाबलले अजानबस रकेट आक्रमणबाट छ बालबालिकाको हत्या गर्ने आठ प्रहरीलाई पक्राउ गरेको छ ।
नदीका माछा समात्न गएका ती बालबालिका सुरक्षाबलले गरेको रकेट आक्रमणमा मारिएको जनाइएको छ । अफगानिस्तानको उत्तरी भागमा पर्ने बाघलान प्रान्तको डोसी जिल्लामा सो घटना भएको समाचारमा उल्लेख छ ।
सो घटनामा अन्य दुई बालबालिका घाइते भएको पनि गृह मन्त्रालायबाट प्रकाशित विज्ञप्तिमा जनाएको छ । यस आक्रमणमा मारिएका बालबालिकाहरु १० देखि १४ वर्षको उमेरको भएको समाचारमा प्रष्ट पारिएको छ ।
यस घटनाको विषयमा अनुसन्धान जारी रहेको प्रहरी स्रोतले जनाएको छ । रासस÷एएफपी
