बाल दिवसमा लायन्स लियोको सहयोग

सञ्चारपत्र सम्वाददाता
भरतपुर २९ भदौ ।
राष्ट्रिय बाल दिवसको अवसर पारेर विभिन्न संघ संस्था तथा व्यक्तिहरुले प्रभात किरण सेवा समाजको संरक्षणमा रहेका बालबालिकाहरुलाई नगद तथा जिन्सी सहयोग गरेका छन् । लायन्स क्लब अफ नारायणगढ बालकुमारी तथा लियो क्लबले आयोजना गरेको खाद्यान्न तथा स्टेशनरी वितरण कार्यक्रममा सहभागी विभिन्न व्यक्तिहरुले नगद समेत सहयोग गरेका छन् ।
कार्यक्रममा गैर आवासिय नेपाली संघ डेनमार्कका संस्थापक अध्यक्ष सोम सापकोटाले दश हजार रुपैयाँ सहयोग गरे । यसैगरी गोविन्द प्रसाद श्रेष्ठले पाँच हजार रुपैयाँ हस्तान्तरण गर्दै आफूले बर्षैपिच्छे थप पाँच हजार सहयोग गर्ने बताए । ईन्जिनियर ईश्वरराज भण्डारीले दश हजार रुपैयाँ र ईश्वरी खरालले वार्षिक छ हजार रुपैयाँ सहयोग गर्ने बताए । कार्यक्रममा रमेश रानाभाटले समाजको संरक्षणमा रहेका बालबालिकाका लागी स्कुलको पोशाक तथा बालबालिकाको सहयोगी अन्य दुई जना महिलाहरुलाई समेत लत्ता कपडा सहयोग जानकारी दिएका थिए ।
लायन्स क्लब ईन्टरनेशनल ३२५ विटुका डिष्ट्रिक एड्भाईजर रामप्रसाद भट्ट, घनश्याम भट्टराईले समेत बालबालिकाहरुलाई सहयोग गरेका थिए । लायन्स क्लब नारायणगढ बालकुमारी तथा लियो क्लब बालकुमारी नारायणगढले बालबालिकाका लागी खाद्यान्न सामाग्री तथा स्टेशनरी सामाग्री वितरण गरेको सो कार्यक्रममा दिनानाथ न्यौपाने, घनश्याम भट्टराई, राम प्रसाद भट्ट, सोम सापकोटा, छविलाल न्यौपाने, ईन्द्र प्रसाद सुवेदि, नेत्र आचार्य, लक्ष्मी चरण श्रेष्ठ लगाएतले मन्तव्य राखेका थिए  । कार्यक्रम लायन्स क्लब नारायणगढ बालकुमारीका अध्यक्ष ईश्वरी खरालको अध्यक्षतामा सम्पन्न भएको थियो ।