Sajha Sawal Episode 316: How Parties Ensure Inclusive Constituent Assembly?

जनताबाट निर्वाचितहरुले संविधान लेखुन् भनेर संविधानसभाको निर्माण भयो भने धेरै जाति, क्षेत्र र लिङ्गको प्रतिनिधित्व होस् भन्दा संविधानसभा ६०१ सदस्यीय हुन पुग्यो । तर पनि विगतको तुलनामा नयाँ संविधानसभामा विभिन्न जाति र क्षेत्रको प्रतिनिधित्व कम हुने मात्र हैन महिलाको प्रतिनिधित्व ३३ प्रतिशत नपुग्ने स्पष्ट संकेत देखिएको छ । संविधानसभामा समानुपातिक सभासद्हरुको नामावली सिफारिस गर्ने प्रमुख तीन दलहरु कसरी समावेशी बनाउँछन् त संविधानसभालाई ? नयाँ संविधानसभाको समावेशिताको बारेमा आज हामी बहस गर्दैछौं । राजधानीमा हुँदै गरेको बहसमा ६० जना सहभागीको बीचमा साझा सवालको यो अंकमा हामीसँग नेकपा एमालेका नेतृ विद्यादेवी भण्डारी, नेपाली काँग्रेसका नेता धनराज गुरुङ र एकिकृत माओवादीका नेता प्रभु साह हुनुहुन्छ ।