इन्टिग्रेटेड मोबिलिटी सोलुसन (आइएमएस) प्रालिले नेपाली संचारकर्मीहरुलाई आवश्यक पर्ने २० मेगापिक्सेल क्यामेरा भएको स्मार्टफोन नेपाली संचारकर्मीहरुलाई सस्तोमा उपलब्ध गराउने भएको छ। फोटोजर्नालिस्ट क्लबको सिफारिसमा उपलब्ध गराउने यस स्मार्टफोन खरिदका लागि ग्लोबल आइएमई बैंकले इएमआई गरिदिने भएको छ। बजारमा एमआरपी मुल्य ५२ हजार रहेको यो स्मार्टफोनमा २० मेगापिक्सलको क्यामेरा र १० एक्स जुम रहेको छ।
क्यामेराका सौखिन तथा स्मार्टफोनको पारखी पत्रकारहरुका लागि एउटै सेटमा यो सुबिधा रहेको छ।
समाचार संकलनका लागि जानेहरुले समाचार संकलनका साथै यो मोबाइलबाट तस्बिर खिचेर प्रकाशित गर्न सहज हुने बिश्वास आइएमएसले लिएको छ।
उच्चस्तरिय तस्बिर खिच्ने यो स्मार्टफोनको साथमा ५ हजार रुपैयाँ भन्दा बढि पर्ने कभर पनि उपलब्ध गराउने भएको छ।
केहि रकम बुझाएपछि किस्तामा किन्न सकिने यो स्मार्टफोन सिमित रहेकोले आइएमएसले यसबाट लाभान्बित हुन आग्रह गरेको छ।
फोटोजर्नालिस्ट क्लबले सिफारिस गरेको संचारकर्मीहरुलाई ग्लोबल आइएमई बैंकले उसको फाइनान्सियल कन्डिसन, सम्बन्धित समाचार संस्थाको सिफारिसका आधारमा इएमआई गर्ने र सकेसम्म छिटो बिधिबाट लोन प्रबाह गर्ने जानकारी ग्लोबल आइएमई बैंकका डेपुटी चिफ एक्जुकेटिभ अफिसर जनक शर्मा पौडेलले जानकारी दिए।
आइएमएसका अध्यक्ष दिपक मलहोत्राले यो छुट योजनाका लागि सिमित स्मार्टफोन मात्र रहेकोले संचारकर्मीहरुलाई छिटो फाइदा लिन आग्रह गरे। सित्तैमा उपलब्ध गराएको केजुमको कभर प्रयोगपछि स्मार्टफोन खस्दापनि नफुट्ने आइएमएसले जनाएको छ।
आइएमसले नेपाली मार्केटमा २२ सय वटा ग्यालेक्सी केजुमको बिक्री गरिसकेको अध्यक्ष दिपक मलहोत्राले जानकारी दिए। Source ; Setopati
